Gauza guztiak Kristogan berri ikusi

500 urte Ignazioren konbertsiotik

Ignatius 500 Urte Ignaziotarra da eta Ignazio Loiolakoa betirako eraldatu zuen esperientziaren bosgarren mendeurrena oroitzeko ospatzen dugu. Esperientzia horrek espiritualtasun bat ekarri zuen, eta espiritualtasun horri esker Jainkoarekin elkartu da jende asko belaunaldiz belaunaldi. Oroitzapena baino gehiago da. Garrantzi unibertsala duen gertaera historiko bat gogoratzeaz gain, esperientzia hori gugan eguneratzeko aukera da, Jainkoarekin, besteekin eta sorkuntzarekin dugun harremanean eguneratzeko aukera.

Ignatius 500 mundu osoan ospatuko da 2021eko maiatzaren 20tik, Loiolako Ignazio Iruñean zauritu zen urtemugatik, 2022ko uztailaren 31ra, San Ignazio egunera.

«Gauza guztiak Kristogan berri ikusi» gure inguruko beharrak hautemateko zentzumenak irekita izatea da, errealitatea eraldatzen nola lagun dezakegun galdetzea beti geure buruari. Zaurituta dago mundua, puskatuta eta mundu honetan ibili zen Jesus, hitz egin zuen eta besarkatu egin zuen.

«Gauza guztiak Kristogan berri ikusi» gure mugak onartzea da, Ignaziok egin zuen bezala. Izan ere, Ignazioren historia, gutako edonoren historia bezala, ez da super-gizon batena, baizik eta «erromes» xume batena da –bere buruari esaten zion bezala-, bere burua besteei eskaintzen tematu zen batena.

«Gauza guztiak Kristogan berri ikusi» bidera irtetea da, gizaki guztiengan bizi den eta lanean ari den Jainko hori ezagutzeko eta gertatzen zaigun guztian ikusteko.

2022 uztailak 13-17

Ikasle Ohien Mundu Biltzarra

Non: Bartzelonan
Munduko ikasle ohi guztientzako topaketa, sare global gisa dugun potentzialaz ohartu gaitezen eta partekatutako misioa sustatu dezagun, gizarte bidezkoagoa eta jasangarriagoa eraikitzen indar handiagoz lagundu ahal izateko.
Hilaren 13an izango da inaugurazioa Bartzelonako Santa Maria del Mar basilikan, Bartzelonako kardinal artzapezpikua izango da buru eta Jesusen Lagundiko Aita Jenerala izango du lagun.

2021eko maiatzak 20

Ignatius 500 Urte Ignaziotarraren inaugurazioa

Non: Iruñean
2021-2022 Urte Ignaziotarraren irekiera-ospakizuna, santuaren konbertsioa hasi zuen gertakari historikoaren mendeurrenean: 1521eko maiatzaren 20an Ignazio Loiolakoa zauritu egin zen Iruñeko gaztelua defendatzen ari zela.
Jesusen Lagundiko aita jenerala, Arturo Sosa SJ, bertan izango da.

2021eko ekainak 4-6

Ignaziotar espiritualitatearen lengoaiak: sentitzeko eta gustatzeko esperientzia

Non: Salamancako gogartetxean
Historian zeha Ignaziotar espiritualitatea artera hedatu da, musikara, literaturara, antzerkira, olerkira, etab. Salamancako topaketan aberastasun hori guztia sentitu eta gustatu nahi da; kontzertuak, antzerkia, otoitza eta topaketa izango dira nagusi egun horietan, lengoaia horiek erabiliz espiritualitatea hedatzen dutenen topaketaz gozatzeko. Cristóbal Flores, Benjamín González Buelta, José Mª Rodríguez Olaizola…

2021eko uztailaren 29tik 31ra

Ignaziotar erara besarkatu mundua

Non: Linean
Gazteen mundu topaketa, CVX, online topaketa . Gazteek topo egiteko aukera, bakoitzaren prozesu pertsonalean aurrera egin dezaten Ignazio Loiolakoaren zauriaren eta konbertsioaren paralelismoaren bidez, egungo munduaren zauriak eta zerbitzatzeko aukerak aztertuz.

2021ko uztailak 31

Aita Jeneralaren ikustaldia Ignatius500era

Non: Manresan
Jesusen Lagundiko Aita Jenerala, Arturo Sosa SJ, Manresako santutegian eta Cova Sant Ignasin izango da Ignazio Jaunarengana bihurtu zeneko bosgarren mendeurrena ospatzeko eta Ignaziok toki horretan hasi zuen esperientzia sortzailea gogoratzeko.

2021eko irailak 17-19

Makrotopaketa MAG+S

Non: Loiolako santutegian
Magis sarearen mugarrietako bat da Makrotopaketa, Espainia osoko gazteak bilduko baitira San Ignazioren konbertsioa gertatu zen tokian. Topatzeko, otoitzerako, ospatzeko eta elkar inspiratzeko tokia da, Loiolako Iñigoren bizitza erreferentzia hartuta.

2022ko martxoak 12

Mundu osoko ospakizun eguna

Non: Erroman
Ignaziotar urtea mundu osoan ospatzeko eguna. Ignazio, eta Xabierko Frantzisko, Avilako Teresa, Felipe Neri eta Isidro Nekazaria, kanonizatu zituzteneko 400. urtemuga ere ospatzen da egun honetan. Jesusen Lagundi osoan biziko da jardunaldia, baina ospakizun nagusia Erroman izango da, Gesú elizan, Aita Santua buru dela.

Albisteak

Irakurri gehiago
El P. General nos invita a participar en el Año Ignaciano api. 9 , 2021

El P. General, Arturo Sosa SJ ha grabado unas palabras para la Provincia de España animándonos a participar en el Año...

Irakurri gehiago
La revista Salterrae dedica su número de marzo a la conversión de Ignacio api. 8 , 2021

En su número de marzo, la revista SAL TERRAE quiere contribuir a preparar la celebración del aniversario ignaciano...

Irakurri gehiago
Los mosaicos de Marko Rupnik transforman el Santuario de la Cueva de Manresa mar. 23 , 2021

El artista y jesuita esloveno Marko Rupnik y su equipo, formado por unas veinte personas de diferentes países del mundo,...

Parte hartzen du

Bizi ezazu